Azərbaycan Milli Elmlər Akademiyası (AMEA) və Qafqaz Müsəlmanları İdarəsinin birgə təşkilatçılığı ilə “İslam maarifçiliyi və müasir dövr" beynəlxalq konfransı keçiriləcək. Lent.az-ın məlumatına görə, bu barədə Azərbaycan Milli Elmlər Akademiyasının Rəyasət Heyətinin bu gün keçirilən iclasında məlumat verilib. Bildirilib ki, beynəlxalq konfrans gələn ilin 15-17 aprel tarixlərində keçiriləcək. Beynəlxalq konfransın elmi-təşkilatı işlərinə AMEA-nın vitse-prezidenti, akademik İsa Həbibbəyli rəhbərlik edəcək.
İclasda çıxış edən İ. Həbibbəyli bildirib ki, qloballaşma şəraitində dini dəyərlərin qorunması və inkişaf etdirilməsi vacib məsələlərdəndir. Onun sözlərinə görə, islam maarifçiliyi mədəniyyətin inkişafında mühüm rol oynayır.
RH-nin iclasında həmçinin Azərbaycan alimlərinin I qurultayı barədə məlumat verilib. Akademik Rasim Əliquliyev qeyd edib ki, Azərbaycan alimlərinin I qurultayı dekabrın 19-da keçiriləcək. AMEA-nın əsas binasında keçiriləcək qurultaya 500-dən artıq iştirakçı qatılacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
