“Bu ilin 6 ayında ölkə ərazisində 3727 təkan olub”.
Bu barədə APA-ya Respublika Seysmoloji Xidmət Mərkəzinin direktoru Qurban Yetirmişli deyib.
Onun sözlərinə görə, bu təkanların 42-sinin maqnitudası 3.3-dən böyük, 13-ü isə hiss olunan zəlzələlər olub: “Ən güclü zəlzələ fevralın 5-də Şamaxı, Ağsu və İsmayıllı ərazisində baş verib. Onun da maqnitudası 5.2, dərinliyi 8 km, gücü isə 6 baldan artıq idi. Bu zəlzələdən sonra Şamaxı-Ağsu-İsmayıllı bölgəsində seysmik aktivlik qeydə alınıb”.
Q.Yetirmişli əlavə edib ki, hazırda ölkə ərazisində seysmik aktivlik fon səviyyəsindədir: “Hər gün təkanlar olur, amma zəif təkanlardır, hiss olunmur. 3 gün öncə Xəzərdə, Qazaxıstan tərəfdə zəlzələ qeydə alınıb, o da hiss olunmamışdı”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
