Bakıda binanın damında hovuz tikən şəxslə bağlı maraqlı fakt ortaya çıxıb.
Lent.az-ın əldə etdiyi məlumata görə, həmin hovuzu binanın ən sonuncu mərtəbəsində yaşayan Valeh Abbasəliyev tikibmiş.
Hovuzun tikilməsindən ev sahibinin qonşusunun da məlumatı olub. Həmin vaxt onların arası yaxşı imiş. Hətta qonşular hovuzun ətrafında bir yerdə istirahət də ediblərmiş.
Sonradan qonşuların arası dəyib. Digər qonşu V.Abasəliyevin binanın damında hovuz tikməsi barədə aidiyyatı qurumlara məlumat verib.
Aidiyyatı qurumlar da gəlib hovuzu söküblər.
***
saat 11:50
Azadlıq prospekti 13 ünvanında çoxmərtəbəli yaşayış binasının damında qanunsuz olaraq hovuz və tikili inşa edilib.
Lent.az-a bu barədə Bakı Şəhər İcra Hakimiyyətinin mətbuat xidmətindən bildirilib.
Qeyd edilib ki, məsələ ilə bağlı Nəsimi Rayon İcra Hakimiyyəti tərəfindən dərhal tədbirlər görülüb.
"Həmin binanın damında qanunsuz tikililərin sökülməsi istiqamətində işlərə başlanılıb. Qeyd edək ki, bu qanunsuz tikililər binanin dam örtüyü və konstruksiyası üçün ciddi təhlükə yaradıb", - məlumatda vurğulanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
