14:03 4 may 2021

Azərbaycanın bu universitetində imtahanlar ləğv olunub? - RƏSMİ CAVAB

Sosial şəbəkələrdə Azərbaycan Dövlət Pedaqoji Universitetim buraxılış imtahanlarını ləğv etməsi barədə məlumat yayılıb və bildirilib ki, bal ÜOMG (Ümumi Orta Müvəffəqiyyət göstəricisi) ilə hesablanacaq.

Bununla bağlı Lent.az-a açıqlama verən universitetin mətbuat katibi Cavid Hüseynov bildirib ki, sözügedən qərar IV kurs tələbələri üçün ADPU-nun elmi şurası tərəfindən verilib:

“Qərara alınıb ki, mövcud pandemiya şəraitinə uyğun olaraq bu il dövlət imtahanı ləğv olunsun və ÜOMG ilə tələbələr məzun olsun, diplom işləri isə onlayn-şifahi şəkildə təqdim olunsun. Elmi Şuranın qərarı təsdiq olunmaq üçün Təhsil Nazirliyinə göndərilib. Qərar təsdiq olunduqdan sonra detallı şəkildə ictimaiyyətə təqdim olunacaq”.

# 2031
avatar

Hicranə Əlişqızı

Oxşar yazılar