Xınalıqda aşkarlanan kurqanda tədqiqat işləri başa çatıb
09 sentyabr 2011 15:07 (UTC +04:00)

Xınalıqda aşkarlanan kurqanda tədqiqat işləri başa çatıb

Mədəniyyət və Turizm Nazirliyinin Xınalıq Dövlət Tarix Memarlıq və Etnoqrafiya qoruğunun inkişaf proqramının üzvü İdris Əliyevin rəhbərliyi ilə aparılan tədqiqat işləri zamanı məlum olub ki, tarixi abidə erkən və orta tunc dövrünə aiddir. Yaşayış massivində bu dövrlərə aid cilalanmış və cilalanmamış saxsı hissələr tapılıb. Kurqanda basdırılan insanın qadın olduğu müəyyənləşib. Tapılan gümüş qadın bəzək nümunələri tədqiqatçılara burda basdırılan insanın cinsini müəyyənləşdirməyə kömək edib. Hər iki tapıntı unikal abidə sayılır. Çünki bu vaxtadək Azərbaycanın dağlıq ərazilərində aşkarlanan ən qədim abidələr orta əsrlərə aid olub.


Xınalıq Dövlət Tarix və Etnoqrafiya Qoruğunun direktoru Həsən Ağayev Lent.az-a bildirib ki, kurqandan tapılan qədim əşyalar paytaxta aparılıb. Tapıntılar tədqiq olunandan sonra inşa olunacaq muzeyin fonduna veriləcək.


Qeyd edək ki, avqustda Azərbaycan Milli Elmlər Akademiyasına Xınalıqda yerləşən tarixi abidən dağılması barədə məlumat verilib. AMEA-nın əməkdaşı Qəhrəman Ağayev əraziyə ezam olunub. Baxış zamanı mütəxəssis burda 5 yaşayış məskəni tapılıb.

Vəli Turan
# 434

Oxşar yazılar