Həmsədrlərdən yeni kompromis təkliflər
30 iyun 2009 14:00 (UTC +04:00)

Həmsədrlərdən yeni kompromis təkliflər

Fransa XİN nazirlərin görüşü ilə bağlı bəyanat yaydı

Fransa Xarici İşlər və Avropa Məsələləri Nazirliyi Azərbaycan və Ermənistan xarici işlər nazirləri Elmar Məmmədyarov və Edvard Nalbandyanın Parisdə keçirilən görüşü ilə bağlı bəyanat verib.

Fransanın Azərbaycandakı səfirliyindən APA-ya daxil olan məlumata görə, bəyanatda deyilir: “ATƏT-in Minsk Qrupunda ABŞ və Rusiya ilə yanaşı, həmsədr olan Fransa Azərbaycana və Ermənistana onları qarşıdurmaya gətirən Dağlıq Qarabağ münaqişəsinin sülh yolu ilə ədalətli və davamlı həllinin nizamlanmasına kömək etmək üçün öz mediasiya səylərini əsirgəmir. Mediator ölkələrin təşəbbüsü ilə, Azərbaycanın xarici işlər naziri Elmar Məmmədyarov və Ermənistanın xarici işlər naziri Edvard Nalbandyan yeni danışıqlar məqsədilə 26 iyun tarixində Parisdə görüşüblər.

Prezidentlər Əliyev və Sarkisyanın iyunun əvvəlində Sankt-Peterburqda olduqca müsbət olan son görüşlərinin davamı barədə imkanları araşdırmaq məqsədilə hər iki nazir, konstruktiv əhval-ruhiyyədə, vasitəçilərlə öncə ayrılıqda ətraflı danışıb, daha sonra isə vasitəçilərin iştirakı ilə bərabər söhbət ediblər.

Bu söhbətlər Sankt-Peterburqda əldə olunmuş irəliləyişləri möhkəmlətməyə və əldə oluna biləcək yeni irəliləyişlər sahələrini dəqiqliklə müəyyənləşdirməyə imkan verib, həmsədrlər bu sahələrə aid yeni kompromis təkliflər irəli sürüblər.

Bu kontekstdə, vasitəçilər, hər iki prezidentin, prinsipi qəbul edilmiş və iyul ayının ortalarında Moskvada baş tuta biləcək yeni görüşünü hazırlamaq məqsədilə növbəti ayın əvvəlində Bakıya və İrəvana, həmçinin Dağlıq-Qarabağa bir daha səfər etməyə qərar veriblər”.
# 673

Oxşar yazılar

Tovuz atəşə tutuldu

Tovuz atəşə tutuldu

13 aprel 2024 , 09:10
Ermənilər Daşkəsəni atəşə tutdu

Ermənilər Daşkəsəni atəşə tutdu

12 aprel 2024 , 18:54
Ermənilər Qarabağda niyə qalmadı?  - Paşinyan AÇIQLADI

Ermənilər Qarabağda niyə qalmadı? - Paşinyan AÇIQLADI

10 aprel 2024 , 13:18
Mehriban Əliyevadan Ramazan bayramı paylaşımı

Mehriban Əliyevadan Ramazan bayramı paylaşımı

10 aprel 2024 , 08:09
İlham Əliyevdən Ramazan bayramı paylaşımı

İlham Əliyevdən Ramazan bayramı paylaşımı

9 aprel 2024 , 21:05
Ermənilər Naxçıvanı  atəşə tutdu

Ermənilər Naxçıvanı atəşə tutdu

9 aprel 2024 , 18:37
Erməni tərəf Kəlbəcəri atəşə tutub

Erməni tərəf Kəlbəcəri atəşə tutub

9 aprel 2024 , 13:50
Erməni silahlıları Laçındakı mövqelərimiz atəşə tutub

Erməni silahlıları Laçındakı mövqelərimiz atəşə tutub

9 aprel 2024 , 09:08