Ombudsman: “Ciddi qanun pozuntuları ilə bağlı müraciətlər almamışıq”
07 noyabr 2010 20:55 (UTC +04:00)

Ombudsman: “Ciddi qanun pozuntuları ilə bağlı müraciətlər almamışıq”

APA-nın “Seçkilər” İnformasiya Mərkəzində olan əməkdaşının verdiyi xəbərə görə, E.Süleymanova jurnalistlərə açıqlamasında bildirib ki, gün ərzində Ombudsman Aparatına ciddi qanun pozuntuları ilə bağlı müraciət daxil olmayıb: “Adətən bizə müraciətlər seçkinin səhəri günü daxil olmağa başlayır. Aldığımız məlumatlara görə, bir sıra yerli müşahidəçilər beynəlxalq müşahidəçilərə qanun pozuntuları ilə bağlı məlumatlar versə də, sonradan bu faktlar onların özləri tərəfindən də inkar olunub”.

E.Süleymanova bəzi müşahidəçilərin həddən artıq iddialı olduğunu vurğulayıb: “Onlar istəyiblər ki, seçki məntəqələrinə gələn seçicilərin şəxsiyyət vəsiqələrini də özləri yoxlasınlar. Müşahidəçilər üçün nə qədər seminarlar və treninqlər keçirilsə də, tam hazırlıqlı olmayan müşahidəçilər kifayət qədərdir”.

E.Süleymanova özünün və Ombudsman Aparatı əməkdaşlarının Penitensiar Xidmətin cəzaçəkmə müəssisələrində səsverməni müşahidə etdiyini, qanun pozuntuları ilə rastlaşmadıqlarını bildirib.
# 474

Oxşar yazılar