Vərəmlə mübarizənin effektiv yolu tapıldı

Vərəmlə mübarizənin effektiv yolu müəyyən edilib.

Lent.az xarici mətbuata istinadən xəbər verir ki, Texas Biotibbi Tədqiqat İnstitutunun alimləri hər il təxminən iki milyon insanın ölümünə səbəb olan vərəmlə mübarizənin effektiv yolunu tapıblar.

Bildirilir ki, İDO (indolamin-2,3-dioksigenaza) kimi tanınan xüsusi fermentinin qarşının alınması makakalarda aktiv vərəm infeksiyasını tamamilə aradan qaldırıb.

Dörd həftə ərzində İDO-nun antibiotiklərlə birlikdə bloklanması, tək antibiotiklərin qəbulu ilə müqayisədə sağlamlıq nəticələrinin daha da yaxşılaşması ilə nəticələnib.

İDO, digər immun reaksiyaları boğduğu bilinən bir immun sistemi proteinidir. Məlum olub ki, indolamin-2,3-dioksigenaza vərəmin törədici bakteriyasının immun hüceyrələri tərəfindən məhv edilməsinin qarşısını alır.

Bakteriyalar immun hüceyrələri ilə əhatə olunmuş dəyirmi strukturların içində yerləşir.

İDO qranulomaların ara qatında böyük miqdarda olur, lakin ferment bloklandıqda immun hüceyrələr qranuloma daxil olmağa başlayır.

İDO inhibitoru makakalara dörd həftə, antibiotiklər isə 12 həftə verilib. İnhibitorla müalicə olunan heyvanlar ağciyərlərdə, qranulomalarda və digər orqanlarda vərəmdən tamamilə xilas olublar. Antibiotiklərlə müalicə olunan meymunların da sağlamlıqları yaxşılaşıb, amma bakteriyalar bədənlərində qalmağa davam edib.

Bir çox vərəm xəstələrinin İİV kimi immunitet sisteminə təsir edən başqa bir xəstəliyə məruz qaldıqdan sonra illər sonra yenidən aktivləşən daha yüngül, gizli formadan əziyyət çəkdiyi məlumdur. Bu vəziyyətdə, ikiqat infeksiya tez-tez ölümcül birləşməyə çevrilir.