Siqaret seksual həyata necə təsir edir? – CAVAB

Siqaret çəkmək təkcə ümumi sağlamlıq üçün təhlükə yaratmır, həm də kişi və qadınların cinsi rifahına əhəmiyyətli dərəcədə təsir göstərir.

Lent.az xarici mediayaistinadən bildirir ki, həkim Tanayya Narendra siqaret çəkmə ilə cinsi sağlamlıq arasındakı kritik əlaqəyə işarə edərək, siqareti tərgitməyin nə üçün vacib olduğunu izah edib.

O, cinsi sağlamlıqlarından narahat olan insanların siqareti tərgitməyi düşünmələri üçün altı səbəb göstərib:

1. Siqaretin asılılıq yaradan komponenti olan nikotin bütün orqanizmdə, o cümlədən cinsi orqanı qanla təmin edən damarlarda qan axını məhdudlaşdırır.

ABŞ-ın epidemiologiya jurnalında olunan tədqiqatlar da daxil olmaqla, siqaret çəkən kişilərdə erektil disfunksiya inkişaf riskinin 41 faiz daha çox olduğunu göstərib.

2. Siqaret çəkmək kişilər üçün müstəsna problem deyil, qadınlar üçün də təhlükə yaradır.

Həkim Kuterus “Breast Cancer Research”jurnalının apardığı araşdırma ilə siqaret, döş sallanmasının artması və döş xərçəngi riskinin artması arasında əlaqəni vurğulayır.

3. Sperma sayının azalması.

Ata olmaq istəyən kişilər diqqət etməlidir. “Environmental Epidemiology” jurnalında aparılan araşdırmaya görə, xüsusilə də çox siqaret çəkmək sperma həcmini, ümumi sperma sayını və sperma hərəkətliliyini azalda bilər ki, bu da məhsuldarlığa təsir göstərir.

4. Yumurtaların kəmiyyət və keyfiyyətinin pisləşməsi.

Qadınlar tütün istifadəsinə görə məhsuldarlıq problemi ilə üzləşirlər.

“Fertility and Sterility” jurnalında aparılan araşdırmalar göstərir ki, siqaret çəkmə k yumurtalıq ehtiyatının tükənməsini sürətləndirə bilər ki, bu da yumurtanın miqdarı və keyfiyyətinin azalmasına səbəb olur.

5. Vaxtından əvvəl menopoz riski.

“Tobacco Control” jurnalında aparılan araşdırmaya görə, siqaret çəkən qadınlarda erkən menopoz riski artır. Siqareti tərgitmək təkcə məhsuldarlığı qorumaq üçün deyil, həm də əlaqəli sağlamlıq risklərini azaltmaq üçün vacibdir.

6. Spermanın dadının dəyişməsi.

Həkim Kuterus qeyd edir ki, siqaret spermanın dadını dəyişdirərək, onu daha acı, turş və ya sərt edə bilər. Çünki siqaretin tərkibindəki zərərli kimyəvi maddələr orqanizmin ifrazatına təsir edir.

Cinsi sağlamlığa bu təsirləri nəzərə alaraq, siqareti tərgitmək ümumi rifah yolunda həyati bir addımdır.