Köpəkbalığındakı selikli qat insanın zədələnmiş dərisinin sağalmasını sürətləndirə bilər

Karolina İnstitutunun alimləri İsveçdə apardıqları tədqiqat zamanı aşkar ediblər ki, köpəkbalığının dərisində böyük biotibbi potensial mövcuddur. Dərinin selikli qatı regenerativ xassələrə malikdir.

Lent.az xəbər verir ki, bununla bağlı tədqiqatın nəticələri MDPI-də (Multidisciplinary Digital Publishing Institute) dərc edilib.

Tədqiqatçılar kiçik köpəkbalığı növlərindən olan katranın (Squalus acanthias) və qığırdaqlı balıqlar fəsiləsinin digər təmsilçilərinin bəzisinin dəri örtüyünü öyrəniblər. Çox tıxlı balıq növlərinin əksəriyyətində dəri hamardır, səthi qalın selik qatı ilə örtülüb. Qığırdaqlı balıqların (köpəkbalığı və skatların) üst örtüyü daha kobud, selikli qişası isə daha nazikdir. Lakin bu seliyin turşuluq dərəcəsi (pH) praktik olaraq, bəzi məməlilərdə, o cümlədən insanda da eynidir.

Alimlər hesab edirlər ki, köpəkbalığının selikli qatının neytral pH-ı ona çoxsaylı biotibbi tətbiqləri təmin edə bilər. Məsələn, bütün selikli vəzilərin sirrinin əsas komponenti - musin yaraların müalicəsi üçün müxtəlif vasitələrin istehsalında istifadə oluna bilər. Belə preparatlar zədələnmiş dərinin sağalmasını sürətləndirəcək.