Həkimlər xəstəxana yeməyindən  ZƏHƏRLƏNDİLƏR
30 may 2024 15:21 (UTC +04:00)

Həkimlər xəstəxana yeməyindən ZƏHƏRLƏNDİLƏR

Xəstəxananın 4 əməkdaşı və 3 həkim Alsancak Ağız və Diş Sağlamlığı Xəstəxanasında istehlak edilən qidadan zəhərlənib. 

Lent.az-ın xarici mediaya istinadən xəbərinə görə, Cümhuriyyət Xalq Partiyasının (CHP) İzmir millət vəkili Sevda Erdan Kılıç deyib: "Səhiyyə işçilərinin sağlamlığı cəmiyyətin sağlamlığı deməkdir. Səhiyyə işçilərinin daha yaxşı şəraitdə çalışması üçün hökuməti təcili addımlar atmağa dəvət edirəm".

Hadisənin mayın 29-da baş verdiyi bildirilir. 

“Səhiyyə sahəsində çalışanlarımız xalqımıza ən yaxşı xidməti göstərmək üçün gecə-gündüz çalışırlarsa, onların sağlamlığına necə etinasız yanaşmaq olar?

Qida təhlükəsizliyi təkcə hər bir fərdin deyil, həm də səhiyyə işçilərimizin ən fundamental hüququdur. Səhiyyə işçilərinin belə hallarla qarşılaşmaması üçün hökumət təcili olaraq lazımi tədbirlər görməlidir. Xəstəxanalarda gigiyena və qida təhlükəsizliyi standartlarının artırılması vacibdir. Bu və buna bənzər hadisələr bizim səhiyyə sistemimizin nə qədər kövrək olduğunu və səhiyyə mütəxəssislərimizin nə qədər diqqətdən kənarda qaldığını bir daha ortaya qoyur. Səhiyyə işçilərimizin sağlamlığı cəmiyyətin sağlamlığı deməkdir. Hökuməti səhiyyə işçilərinin daha yaxşı şəraitdə işləməsi üçün təcili addımlar atmağa dəvət edirəm", - millət vəkili vurğulayıb.


 

1 2 3 4 5 İDMAN XƏBƏRLƏRİ
# 1731
avatar

Oxşar yazılar