Arıqlamaq üçün yumurta faydalıdırmı?

Yumurta pəhrizin əsas elementi ola və arıqlamaq istəyənlərə kömək edə bilər.

Lent.az xarici KİV-ə istinadən xəbər verir ki, bu barədə dietoloq Kerry Rukston danışıb.

Onun sözlərinə görə, yumurta iştahı, qocalma prosesini və bədənin ümumi vəziyyətini effektiv şəkildə idarə edə bilir. Həftədə 7-14 yumurta istehlak etmək tövsiyə olunur.

Rukston vurğulayıb ki, müxtəlif və balanslaşdırılmış pəhriz kontekstində yumurtanın orta istehlakı vitamin, mineral və protein qəbulunu təşviq etmək, əzələ kütləsini qorumaq və çəkiyə nəzarət etmək üçün faydalı ola bilər. Onun tövsiyələrinə görə, səhərlər yumurta yemək, günün gec saatlarında qeyri-sağlam qidalardan qaçmağa kömək edir.

Tədqiqatlar göstərir ki, yumurta 10-dan çox müxtəlif vitamin və mineral, həmçinin hüceyrə təmiri və əzələlərin böyüməsi üçün vacib olan yüksək keyfiyyətli protein ehtiva edən zəngin qida mənbəyidir. Onlar həmçinin kalium, kalsium, dəmir, yod, fol turşusu və lif kimi vacib qidaları ehtiva edir.

Yumurta hamilə qadınlara da fayda verə bilər, çünki tərkibində beyin inkişafını dəstəkləyən xolin, doğuş qüsurlarının qarşısını alan fol turşusu və doğmamış körpədə normal beyin inkişafını dəstəkləyən yod var.