1 dəqiqəyə varikoz damarları MÜƏYYƏN ETMƏK

Varikoz damarları bir çox insan üçün problemdir, lakin onları erkən mərhələdə aşkar edib, hətta evdə uğurla müalicə etmək olduqca mümkündür.

Lent.az xarici KİV-ə istinadən xəbər verir ki, bu barədə mütəxəssis Lina Qrişpun danışıb.

Onun sözlərinə görə, damarlarla bağlı probleminiz varsa, bunu özünüz əvvəlcədən təyin edə bilərsiniz.

Varikoz damarlarının varlığını müəyyən etmək üçün aşağıdakı suallara diqqət yetirməlisiniz:

Görünən genişlənmiş damarlar varmı? Xüsusilə axşam saatlarında ayaqların tez-tez şişməsi varmı?

Xüsusilə bir mövqedə uzun müddət qaldıqdan sonra damarlarda ağrı hiss edirsiniz?

Keyimə və ya kramplar varmı?

Dəridə və rəngində hər hansı dəyişiklik varmı?

Damarlar bənövşəyi və ya yaşılımtıl rəngdə ola bilər. Bəzi hallarda varikoz damarlarının ətrafındakı dəri quruya, qaşınmağa, rəngini dəyişdirə və ya nazikləşə bilər.

Bu suallardan ən azı ikisinə "bəli" cavabını verdinizsə, damar mütəxəssisi ilə əlaqə saxlamalısınız. Həkim qeyd edib ki, müasir müalicə üsulları 1-2 saat ərzində problemin öhdəsindən gələ bilər.