Yeməyin soyuducuda 3 qat daha uzun müddət saxlamaq üçün SİRLƏR

Yeməyin soyuducuda daha uzun müddət saxlanması üçün nə etmək lazımdır? Sevimli yeməklərin “ömürünü” necə uzatmaq olar ki, israf olunmasın?

Lent.az yeməkləri soyuducuda doğru saxlamaq üçün məsləhətləri təqdim edir:

Çox güman ki, siz də tez-tez bu sualı verirsiniz: “Niyə yeməklərim soyuducuda istədiyim qədər qalmır, tez xarab olur?” – Ola bilsin ki, bunun səbəbi onları səhv üsulla saxlamağınızdır.

1. Yeməyi hermetik (hava keçirməyən) qabda saxlayın

Yeməkləri açıq formada saxlamaq onları daha tez xarab edir. Mütləq qapaqlı, hava keçirməyən qablar istifadə edin.

2. Bişmiş və çiy məhsulları bir-birindən ayırın

Çiy məhsullardan bişmiş yeməklərə bakteriyalar keçə bilər. Çarpaz çirklənmənin qarşısını almaq üçün ayrı-ayrı saxlayın.

3. Yeni alınanları arxaya, köhnələri önə qoyun

Əgər böyük alış-veriş edirsinizsə, tezliklə istifadə olunmalı məhsulları önə, yeni aldığınız məhsulları isə arxaya yerləşdirin. Bu, israfın qarşısını alar.

4. Soyuducunu çox doldurmayın

Soyuducu nə qədər dolu olarsa, hava dövranı zəifləyir və soyutma effekti azalır. Həm də çox dolu soyuducuda bəzi məhsullar göz önündə olmadığından unudula bilər.

5. Meyvə-tərəvəz bölməsinə mətbəx kağızı qoyun

Bu, nəmi hopduraraq göbələk və bakteriyaların yaranmasının qarşısını alır. Təmizlik və saflıq üçün çox praktik üsuldur.

6. Soyuducunu ayda bir dəfə təmizləyin

Qalıq qoxular və bakteriyaların yayılmaması üçün soyuducunun içini ayda ən azı bir dəfə silin.

7. Qırmızı meyvələri sirkəli suda yuyun

Məsələn, çiyələk kimi qırmızı meyvələrin ömrünü uzatmaq üçün onları sirkə və su qarışığında bir neçə dəqiqə saxlayaraq bakteriyalardan təmizləyə bilərsiniz.

8. Hazır yeməyi çöldə saxlamayın

Pişmiş yeməkləri otaq temperaturunda uzun müddət saxlamaq olmaz. Mikroorqanizmlər bu şəraitdə daha tez çoxalır, ona görə də hazır yeməklər mütləq soyuducuya qoyulmalıdır.