Sevgililər gününə hədiyyə: əfsanəvi fal peçeniyası RESEPT

Bir neçə inqrediyentdən hazırlanan bu qeyri-adi peçenye əhvalınızı qaldıracaq və əla hədiyyə olacaq. Sevgililər günü ərəfəsində sevdiyiniz insan üçün hədiyyə almaqla yanaşı, ona maraqlı bir sürpriz də hazırlaya bilərsiniz. Məsələn, ona fal peçenyesi bişirin!

Lent.az fal peçenyesinin reseptini təqdim edir.

Əlbəttə, bu peçenyeni mağazadan almaq olar, amma öz əlinizlə hazırlamaq daha maraqlıdır. Üstəlik, bu zaman içinə öz seçdiyiniz ən gözəl sözləri yaza bilərsiniz.

Lazım olan inqrediyentlər:

3 ədəd yumurta ağı

1/4 çay qaşığı duz

110 qram şəkər

80 qram un

50 millilitr bitki yağı

2 xörək qaşığı su

Vanil

İstəyə bağlı olaraq qırmızı qida boyası

Hazırlanma qaydası:

Fal kağızlarını əvvəlcədən hazırlayın və sobanı 180 dərəcəyə qədər qızdırın.Yumurtanın ağını duz ilə çalın. Sonra şəkər əlavə edib, 5 dəqiqə daha çırpın ki, şəkər tam ərisin. Yağ, vanil, un və suyu əlavə edin, yenidən 1 dəqiqə qarışdırın. Xəmir duru olmalıdır.

Əgər xəmirdə qaşıq izi qalırsa, əlavə 1 xörək qaşığı su əlavə edin. İstəyə bağlı olaraq qırmızı qida boyası əlavə edə bilərsiniz.

Hər peçenye üçün təxminən 1/2 xörək qaşığı xəmir götürüb silikon döşəkçənin və ya perqament kağızının üzərinə tökün, 7-8 sm ölçüsündə dairə şəklində yayın.

180 dərəcəlik sobada 4-5 dəqiqə bişirin. Sobanı açan kimi, peçenyeləri isti-isti qatlayın, çünki onlar tez soyuyur və sərtləşir. Hazır peçenyeləri hava keçirməyən qabda saxlayın. Açıq havada saxlanarsa, nəmi udaraq yumşala bilər.

Nuş olsun!