Vaqif Səmədoğlu müalicə üçün yenidən İsrailə getdi

Azərbaycanın xalq şairi Vaqif Səmədoğlu müalicə üçün yenidən İsrailə qayıdıb.

Xalq şairi Fikrət Qocanın APA-ya verdiyi məlumata görə, V. Səmədoğlu İsrailə martın 24-də yola düşüb.

Qeyd edək ki, V. Səmədoğlu xərçəngdən əziyyət çəkir.

O, Novruz bayramını qeyd etmək üçün İsraildə aldığı müalicəyə bir neçə günlük fasilə verib Bakıya gəlmişdi. Martın 19-da Azərbaycan Yazıçılar Birliyinin sədri Anar şairə birliyin “Nəsimi” mükafatını təqdim etmişdi.