Türkiyənin tanınmış opera ifaçısı Oya Ergün ölməz sənətkar Rəşid Behbudovun mahnılarından ibarət albom hazırlayıb. Gördüyü işdən Lent.az-a danışan O.Ergün bildirib ki, bu layihəni Azərbaycanın Mədəniyyət və Turizm Nazirliyi və Türkiyənin ölkəmizdəki səfirliyinin dəstəyi ilə ərsəyə gəlib:
“Yeni albomum artıq hazırdır. İnşallah bu işimə yaxın müddətdə təqdimatın keçirəcəm. Albom hazırlıqlarına çox gözəl bir komanda, dəyərli musiqiçilərlə çalışmışam. İnşallah musiqisevərlər albomdan məmnun qalacaqlar. Biz bu albomun ən səviyyəli şəkildə çıxması üçün əlimizdən gələn etdik. Ölməz sənətkar Rəşid Behbudovun mahnılarından ibarət albom hazırlamaq asan iş deyil. Bu, çox böyük məsuliyyətdir”.
Qeyd edək ki, albomda Rəşid Behbudovun ifa etdiyi 12 mahnı yer alacaq. Albomun Azərbaycanla yanaşı, Türkiyədə də təqdimat keçirəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
