Səfirlikdə Dekabr bayramları şənliyi təşkil olunub
Azərbaycanın Türkiyədəki səfirliyində Dünya Azərbaycanlılarının Həmrəyliyi Günü və Yeni İl münasibətilə bayram şənliyi təşkil olunub.
Lent.az-a səfirlikdən daxil olan məlumata görə, tədbirdə, çox sayda diaspor nümayəndələri, Türkiyə ictimaiyyətindən olan elm, siyasət və incəsənət xadimləri, Ankarada təhsil alan tələbələrimiz, müxtəlif ictimai birliklərin təmsilçiləri və səfirliyin əməkdaşları iştirak edib.
Tədbirdə çıxış edən səfir Faiq Bağırov Dünya Azərbaycanlılarının Həmrəyliyi Gününün əhəmiyyətindən danışıb və Azərbaycan prezidenti İlham Əliyevin bu günlə bağlı dünya azərbaycanlılarına ünvanladığı müraciətini oxuyub.
Daha sonra bir neçə diaspor nümayəndələri Həmrəylik Gününün önəmindən danışıblar. Ardından tədbirin, hər il ənənə halını alan səfirliyin təşəkkürnamələrinin təqdimatı hissəsi keçirilib. İl ərzində Azərbaycanın təbliği ilə bağlı tədbirlərdə fəal iştirak edən diaspor nümayəndələri səfirliyin təşəkkürnamələri ilə təltif edilməsi tədbir iştirakçıları arasında böyük həyəcan və sevinc hisslərinin yaşanmasına səbəb olub.
Daha sonra tədbir iştirakçılarına ziyafət verilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
