Azərbaycanda gənc rejissorlar laboratoriyası fəaliyyətə başlayıb. Lent.az-ın məlumatına görə, fevralın 21-də də Azərbaycan Teatr Xadimləri İttifaqında laboratoriyanın açılış mərasimi keçirilib. Açılışda çıxış edən Teatr Xadimləri İttifaqının sədri Azər Paşa Nemətov rəhbərlik etdiyi ittifaqda ötən il yaradılan “Axundzadə dərsləri” keçirildiyini xatırladıb. Bildirib ki, laboratoriyanın yaradılmasında məqsəd dramaturgiya sahəsinə meyl göstərən istedadları üzə çıxarmaq, mütəxəssislərin iştirakı ilə ustad dərsləri keçirmək, gənc dramaturqların əsərlərini teatrlara təqdim etmək, tamaşaya qoyulmasına şərait yaratmaq olub.
İttifaq sədri dramaturqlar laboratoriyasından sonra rejissorlar üçün də belə bir laboratoriyanın açılmasına ehtiyac olduğunu vurğulayıb.
Qeyd edək ki, laboratoriyaya xalq artisti Cənnət Səlimova rəhbərlik edəcək. Dramaturq dərslərinin iştirakçıları tərəfindən seçilən əsərlər gənc rejissorların laboratoriyasında oxunacaq. Daha sonra seçilən əsərlər teatr studiyalarında tamaşaya qoyulacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
