Millət vəkili Fazil Mustafa Ramiz Rövşəndən təsirlənib yazdığı şeirlərdən birini paylaşıb.
Facebook sosial şəbəkəsindəki sıhifəsində şair Ramiz Rovşəni doğum günü münasibətilə təbrik edən millət vəkili onunla bağlı bir şeylər yazmaq istədiyini qeyd edib: “Bir var istedadlı şair, bir də var həm istedadlı, həm də bilgə şair. Ramiz Rövşən istedadlı- bilgə şairdir. İstənilən həyat hadisəsinə, istənilən varlığa münasibətdə özünəməxsus və bilgin mühakiməyə sahibdir Ramiz Rövşən. İstedadına arxayın olub dünəndə kilidlənməyən bir şairdi. Hər gün yeniləşə bilən, təptəzə zəkaya sahib bir şəxsiyyətdir. Bunları yazanda xatırımə düşdü bir vaxtlar cızma-qara edəndə ondan necə təsirləndiyim anlar. Hətta ona yazdığım şeri Əkrəm Əylisli o vaxtın sənət əsəri olan "Azərbaycan" dərgisində 1983-cü ildə dərc eləmişdi. Bəlkə də bir-iki bəndi yadımdan çıxar, olsun, bu şəkildə təbrik daha maraqlı olar deyə Ramiz Rövşənə ərməğan edirəm.
YAZ GECƏSİ
Ramiz Rövşənə
Yaman darıxıram bu yaz gecəsi,
Tək-tənha qalmışam yer göy arası.
Gözümdən asılıb dümağ ulduzlar,
İçimə hopubdur zülmət qarası.
Bu yaz gecəsin tənhalığında
Tumurcuq adlanan bir qız yaşayır.
Neyləsin Tanrının işi belədir-
Səssizlik işində yalqız yaşayır.
Tanrım izin versə, yalqızlara mən,
Yarpaq pıçıltılı həyat paylaram.
Bütün gecələrin içində yalnız
Bu yaz gecəsini mən haraylaram.
Bu yaz gecəsinin azalır ömrü-
Onun ömrün kəsən aydın sabahdı.
Ömrümü verərdim bu gecəyə mən,
Verərdim inanın, neyləyim ancaq-
Bu yaz gecəsində ölmək günahdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
