Türkiyə Respublikası prezidenti yanında Simfonik Orkestrində ölkəmizin gənc sənətkarlarından biri olan Əyyub Quliyevin konserti olub.
Lent.az-a Azərbaycanın Ankaradakı səfirliyindən verilən məlumat görə,konsertdə səfir Faiq Bağırov başda olmaqla Azərbaycan səfirliyinin əməkdaşları, Türkiyənin tanınmış incəsənət və ictimai xadimləri ilə yanaşı çox sayda sənət sevər iştirak ediblər.
Gənc və qabiliyyətli dirijor Əyyub Quliyev, Azərbaycanın dahi bəstəkarları Fikrət Əmirov və Qara Qarayevlə yanaşı, dünyada tanınmış bəstəkarlar Richard Strauss, Gioacchino Rossini və Nikolay Rimski-Korsakovun əsərlərinin səsləndirilməsini idarə edib.
Auditoriyadan böyük alqış toplayan konsert olduqca müvəffəqiyyətli olub.
Tədbirdən sonra dirijor Əyyub Quliyev ilə görüşən səfir Faiq Bağırov, ona ölkəmizin mədəniyyətinin təbliğində göstərdiyi böyük nailiyyətlərə görə minnətdarlığını bildirib və uğurlarının artaraq davam etməsini diləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
