Aydan Şener Azərbaycandan, “Qalatasaray”dan və gözəlliyindən danışdı - MÜSAHİBƏ

“Çalı quşu” teleserialından tanıdığımız Aydan Şener “Tatar-inform” agentliyinə müsahibə verib. Lent.az müsahibəni təqdim edir.

- Babaların tatardı deyəsən...

- Onlar burdan XIX əsrin ikinci yarısında tatarların kütləvi xristianlaşdığı vaxtda köçüblər. Atam Kazan tatarı, anam isə Krım tatarıdı. Ona görə hər dəfə Kazana gələndə elə bilirəm ki, öz evimdəyəm.

- Hal-hazırda hansı filmə çəkilirsiz?

- İndi daha çox teatrda çalışıram. Dekabrda yeni tamaşamın premyerası olacaq. Bu mənim teatrda ikinci rolumdu. Bundan başqa Azərbaycanda və Türkiyədə yeni reklam proyektlərimiz olacaq. Orada televiziya layihələrində iştirak etməyi təklif ediblər. Amma bu, ürəyimcə deyil.

- Türkiyədə “Çalı quşu”nun təkrar çəkilişləri gedir. Bu barədə nə deyə bilərsiz?

- Bilirəm. Bu yaxınlarda filmin təqdimatı olacaq. Filmin böyük əksəriyyəti ilkin variantın təkrarıdı. Yaradıcı heyət bizim filmdəki musiqidən istifadə edib. Uğur qazanacaqları barədə əvvəlcədən söz demək çətindi. Ümid edirəm ki, onlarda bu alınacaq.

- Bəs sizə dəvət gəlmişdi?

- Bəli. Lakin konkret rol və ya rolun mətni bilinmirdi. Mən də dedim ki, o filmə görə, bir neçə saniyə də çəkilə bilərəm.

- Aydan xanımın gözəlliyi və istedadına bələd olan kişilər çoxdu. Bəs Aydan xanım özü yenidən ailə qurmağı düşünürmü?

- Yox (gülür). Mənim ağıllı qızım, dörd pişiyim və dörd itim var. Xoşbəxt, sakit həyatım var. Ərə getmək haqqında düşünmürəm. Azadlığı sevirəm.

- Futbola münasibətiniz?

- Keçmiş ərim, qızımın atası “Qalatasaray” klubunun futbolçusu olub, Türkiyə yığmasında oynayıb. Hələ də bu klubun fanatıyam.

- Gözəlliyinizin sirri?

- Hər hansı bir xüsusi sirri yoxdu. Hər şeydən əvvəl, sağlam həyat tərzi keçirmək lazımdı: düzgün qidalanmaq, planlaşdırma. Yağlı ət yemirəm. Mənim yemək menyumda tərəvəz və balıq var. Yemək bişirməyi çox sevirəm, tərəvəzləri doğrayan zaman üzümə maskalar hazırlayıram. Və bir də yuxu çox önəmlidir.