Fevralın 24-də Almaniyanın Şömberq şəhərində Xocalı soyqırımının 21-ci ildönümü ilə bağlı tədbir keçirilib. Lent .az-ın məlumatına görə, tədbir Dəyanət İşləri Türk İslam Birliyinin “ Fətih” camesinin başqanı Hikmət Doğrunun, başqan yardımçıları Əlirza Kablanın və Musa Sancarın təşkilatçılığı və dəstəyi, alman nümayəndələrinin iştirakı ilə təşkil edilib.
Keçmiş döyüşçü, ehtiyatda olan zabit, kapitan Adil Kərimovun verdiyi məlumata görə, Almaniyada baş tutan tədbirə ictimaiyyət nümayəndələri ilə yanaşı jurnalistlər də dəvət olunub.
Tədbirdə kinossenariçi Eldar İsgəndərzadənin ssenarisi əsasında, kinorejissor Elşən Zeynallının çəkdiyi, ingilis, rus və Azərbaycan dillərində olan “Günəşin batdığı yer” adlı bədii-sənədli televiziya filmi nümayiş etdirilib.
Tədbir iştirakçılarına 200-dən çox film yazılmış disk və “Azərbaycan soyqırımı ” kitabı paylanıb. Şəhidlərin xatirəsi 1 dəqiqəlik sükutla yad edilib, ruhlarına dualar oxunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
