1996-cı ilin məşhur hitlərindən olan "Time Marches On" təxminən 30 il sonra yenidən populyarlıq qazanıb.
Lent.az xarici mediaya istinadla xəbər verir ki, mahnının yenidən gündəmə gəlməsinə TikTok-da yaranan trend səbəb olub. Əsərin "Smokes a lot of dope" misrası sosial şəbəkədə məşhurlaşaraq çoxsaylı yumoristik videolarda istifadə edilməyə başlanıb. Ceymi Conson və Treysi Lourens mahnını "Grand Ole Opry" səhnəsində birlikdə ifa ediblər. Onlar ifa zamanı TikTok-da məşhurlaşan həmin hissəni də fərqli formada səsləndiriblər.
"Time Marches On" 18 mart 1996-cı ildə təqdim olunub. Adi bir ailənin həyatının zamanla necə dəyişdiyindən bəhs edən mahnı qısa müddətdə böyük uğur qazanıb. Əsərdə Henk Uilyamsın "Kaw-Liga" və Bob Dilanın "Like a Rolling Stone" mahnılarına da istinad edilib.
"Time Marches On" "Billboard Hot Country Singles & Tracks" hit-paradında üç həftə ardıcıl birinci yerdə qalaraq Treysi Lourensin karyerasının ən uğurlu mahnılarından birinə çevrilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
