Əbülfəs Qarayev Düşənbəyə səfər edib
10 avqust 2009 14:15 (UTC +04:00)

Əbülfəs Qarayev Düşənbəyə səfər edib

10-11 avqust tarixində Tacikistan Respublikasının Düşənbə şəhərində MDB iştirakçı ölkələrinin Mədəni əməkdaşlıq üzrə Şurasının XXIV iclası keçirilir. Mədəniyyət və Turizm Nazirliyindən Lent.az-a verilən məlumata görə, iclasda iştirak etmək üçün mədəniyyət və turizm naziri Əbülfəs Qarayevin başçılığı altında nümayəndə heyəti Düşənbəyə səfər edib.

Qeyd edək ki, Şuraya Azərbaycanın mədəniyyət və turizm naziri Əbülfəs Qarayev sədrlik edir.

İclasda MDB iştirakçı ölkələrinin mədəniyyət sahəsində əməkdaşlıq və MDB iştirakçı dövlətlərinin mədəniyyət və incəsənət sahəsində təhsilin inkişafı Konsepsiyalarının layihələri, Hökumət başçıları Şurası tərəfindən təsdiq olunmuş MDB iştirakçı ölkələrinin 2009-2010-cu illər üçün humanitar əməkdaşlıq sahəsində prioritet tədbirlər Planının həyata keçirilməsi, mədəni irsin qorunması sahəsində mövcud qanunvericiliyin təkmilləşdirilməsi və digər məsələlərin müzakirəsi nəzərdə tutulur.

Lalə Yusifqızı
# 428

Oxşar yazılar