“Cavad xan” filminin yaradıcı heyəti Macarıstandan qayıdıb – FOTO

Nümayişlə əlaqədar olaraq Macarıstana gedən filmin ssenari müəllifi Sabir Rüstəmxanlı, Cavad xan obrazının ifaçısı xalq artisti Nurəddin Mehdixanlı və “Ulusfilm” prodüser mərkəzinin rəhbəri Gəray Əlibəyov artıq Bakıya dönüblər.

Gəray Əlibəyovun Lent.az-a verdiyi məlumata görə, səfər zamanı bir neçə maraqlı görüşləri də olub. Macarıstanda müxtəlif festivalların təşkilatçısı kimi tanınan Harkyande Jend ilə görüşüb. O, Azərbaycanı gələn ay keçiriləcək animasiya filmləri festivalına dəvət edib. Bundan başqa ənənəvi beynəlxalq musiqi festivalına Azərbaycan sənətkarlarının qatılmasından da məmnunluq duyacağını dilə gətirib. H. Jend Mədəniyyət və İncəsənət Universitetinin tələbələrinin də burada kurs keçməsini təklif edib.

G. Əlibəyovun sözlərinə görə, növbəti görüş “Budapeştfilm”in rəhbəri Gador Csurdi ilə olub. Görüş zamanı Azərbaycan filmlərinin Macarıstanda nümayişinin təşkili müzakirə edilib: “O, son 5 ildə Azərbaycanda istehsal olunan filmlərin disklərini ona göndərməyi xahiş etdi. Hələ ki, konkret hansısa saziş imzalanmadı. Sadəcə danışıqlar aparıldı. Amma filmlərimiz bəyənilsə, Macarıstanda onların “prokatı” təşkil olunacaq”.

Xəyalə