Yuğ Teatrında iki yeni tamaşanın məşqlərinə start verildi

Teatrdan Lent.az-a verilən məlumata görə, tamaşalardan biri “Diogenin çəlləyi” adlanır. Tamaşanın ideya müəllifi və quruluşçu rejissoru əməkdar incəsənət xadimi Vaqif İbrahimoğlu, quruluşçu rəssamı Rəşid Şerif, geyim üzrə rəssam Umay Həsənova, musiqi tərtibatçısı Mələk Vəlizadədir.

Emridokl rolunda Ruslan İsmayılov, Averenius rolunda Oqtay Mehdiyev, Safo rolunda Təranə Ocaqverdiyeva (Atacan), Trist Meqist rolunda Hikmət Rəhim, Alkmena rolunda İlahə Həsənli, Emridemiya rolunda Natəvan Qeybani çıxış edirlər.

Teatrda məşqlərinə başlanılan ikinci tamaşa Saleh Səbatın “Uşaq və biz” əsəri əsasında səhnələşdirilir. Tamaşanın quruluşçu rejissoru Vaqif İbrahimoğlu, quruluşçu rəssamı Rəşid Şerif, geyim üzrə rəssam Umay Həsənova, musiqi tərtibatçısı Mələk Vəlizadədir. Rollarda Məmmədsəfa Qasımov, Oqtay Mehdiyev, Qasım Nağı, Gülzar Qurbanova, Təranə Ocaqverdiyeva, Ruslan İsmayılov, Hikmət Rəhim, Rasim Cəfərov
Yaqut Paşazadə, Zümrüd Bəxtiyar, Vaqif İbrahimoğlu, Fərhad İsrafilov, Vidadi İsmayıl
Ər-Toğrul, İlahə Həsənli, Sonaxanım Mikayılova, Natəvan Qeybani iştirak edir.

Xəyalə Muradlı