Ailə üzvləri mərhum şairin şəxsi saytını açdılar

Bu barədə şairin nəvəsi Elçin Səfərli Lent.az-a məlumat verib. Onun sözlərinə görə, www.safarli.page.tl saytında İslam Səfərli haqqında demək olar ki, hər bütün məlumatlar yerləşdirilib. Saytın təşəbbüskarları da şairin ailəsidir. Burada İslam Səfərlinin şeirləri, sözlərinə yazılmış mahnılar, foto şəkilləri, dost və yaxınlarının xatirələri yerləşdirilib.
Qeyd edək ki, ədəbi yaradıcılığa Böyük Vətən müharibəsi illərində başlayan İslam Səfərlinin şeirlərinin əksəriyyəti də məhz bu dövr hadisələrindən bəhs edir. Dramaturq kimi də böyük uğur qazanan İslam Səfərlinin “Göz həkimi”, “Ana ürəyi”, “Yol ayrıcı” kimi əsərləri müxtəlif vaxtlarda tamaşaya qoyularaq, tamaşaçı rəğbəti qazanıb. Şairin “Bakı, sabahın xeyir”, “Zərif gülüşlüm”, “Bir könül sındırmışa”, “Qonaq gəl bizə”, “Nə vaxta qaldı”, “Ana”, “Ay qaşı, gözü qara qız”, “Aylı gecələr” və s. bu kimi yüzlərlə mahnısı dillər əzbəri olmuş, klassikaya çevrilib.
Lalə Yusifqızı