“Azərbaycanda ziyalı təbəqənin bir hissəsi hələ də Azərbaycan dilində mükəmməl danışa bilmir.
21 aprel 2010 18:00 (UTC +04:00)

“Azərbaycanda ziyalı təbəqənin bir hissəsi hələ də Azərbaycan dilində mükəmməl danışa bilmir.

Bu isə son nəticədə həm də telekanallar üçün problemlər yaradır”. Lent.az-ın məlumatına görə, bunu Milli Televiziya və Radio Şurasının (MTRŞ) sədri Nuşirəvan Məhərrəmli MTRŞ-in keçirdiyi “Elektron media: dövlət tənzimlənməsi və ictimai nəzarət” adlı elmi-konfransda çıxış edərkən deyib.

O bildirib ki, ölkəyə gələn xarici səfirlər 6 ay ərzində Azərbaycan dilini mükəmməl öyrəndiyi halda, bizim bir çox sahənin mütəxəssisi olan ziyalılarımız ya yarı rus-Azərbaycan, ya da Anadolu ləhcəsilə danışırlar: “Bu da son nəticədə bir dünyagörüşü kimi telekanalların efirindən təbliğ olunur. Həmin ziyalıların danışığı istər-istəməz cəmiyyətə də təsir edir. Yəni, aparıcıların səviyyəsilə yanaşı, ziyalıların da bu problemi cəmiyyətə təsirsiz ötüşmür”.

Ramiz
# 537

Oxşar yazılar