Bu gün İdman Filmləri Festivalının açılışıdır

Oktyabrın 9-dan 11-dək Mədəniyyət və Turizm, Gənclər və İdman nazirliklərinin təşkilatçılığı ilə I Bakı Beynəlxalq İdman Filmləri festivalı keçiriləcək. Nazirliyin mətbuat xidmətindən Lent.az-a verilən xəbərə görə, 20-dək ölkənin qatıldığı bu tədbirdə 50-dən çox bədii və sənədli film nümayişi gözlənilir. Festivalın təntənəli açılışı oktyabrın 9-da saat 19:00-da Nizami Kino Mərkəzində keçiriləcək.

9 oktyabr saat 17:30-da isə Nizami Kino Mərkəzinin Mətbuat klubunda Kütləvi informasiya vasitələrinin nümayəndələri üçün mətbuat konfransı təşkil olunacaq.

Münsiflər heyətində dünya kinematoqrafiya və idman aləmində böyük nüfuza malik simaların təmsil olunacağı festivalda filmlərin nümayişi Nizami Kino Mərkəzinin zallarında keçiriləcək. Festival iştirakçıları ən yüksək mükafat - "Qran-Pri" ilə yanaşı "İdman və cəmiyyət", "İdman və şəxsiyyət" müsabiqə nominasiyalarında iştirak edəcəklər. Bundan əlavə münsiflər heyəti tərəfindən "Xüsusi mükafat" da veriləcək.

Jalə