7 milyon dollarlıq əsər Bakıdadır... - FOTO

Sentyabrın 15-16-da dünyanın aparıcı hərrac evi “Christie’s”, Heydər Əliyev Fondu və “YARAT!” Müasir İncəsənət Məkanı ilə birlikdə Bakıda yeni istifadəyə verilən “The Four Seasons Hotel”inin salonunda Azərbaycanda ilk sərgisini təşkil edəcək.

Lent.az in məlumatına görə, ilk olaraq “Christie’s”in əməkdaşı Andres Rumbler sərgidə nümayiş olunan əsərlərlə bağlı məlumat verib. Onun sözlərinə görə, sərgidə “Christie’s”in London, Nyu-York və Dubayda keçirdiyi payız satışlarında iştirak üçün seçilən müxtəlif sənət əşyaları və eksponatlar nümayiş olunacaq. Həmin əsərlərə impressionist, İkinci Dünya müharibəsindən sonrakı və müasir rəssamlıq əsərləri, şərq xalçaları, eləcə də müasir Birləşmiş Ərəb Əmirlikləri, İran və Türkiyə sənət nümunələri daxildir. O bildirib ki, iki günlük sərgini muzey də adlandırmaq olar. Bu sərgidə dünyanın tanınmış fırça ustalarının əsərləri yer alıb. Xüsusilə, dünyaca məşhur rəssam Pablo Pikassonun öz imzası ilə “Qadın” əsəri gətirilib 1962-ci ildə çəkilən əsərin qiyməti 5-7 milyon avro dəyərindədir.

Bildirilib ki, bu ilin noyabrında “Christie’s”in digər ölkələrdə də sərgiləri açılacaq.

Jalə