“Qızıl Şir” sahibini tapdı – FOTO

İtaliyanın Venesiya şəhərində keçirilən 69-cu film festivalı başa çatıb. Lent.az-ın xarici mətbuata istinadən verdiyi məlumata görə, festivalın əsas mükafatı sayılan “Qızıl Şir” öz sahibi tapıb. Mükafat Cənubi Koreya rejissoru Kim Ki Dukun “Pieta” (Mərhəmət) adlı filminə verilib. “Gümüş Şir” mükafatını Hollivudun tanınmış rejissorlarından Paul Tomas Andersonun “The Master”( Usta) filmi alıb. “Gənc Şir” mükafatına isə türkiyəli rejissor Ali Aydının “Küf” adlı filmi layiq görülüb.

Festivalda ən yaxşı aktyor “Usta”nın iki aktyoru - Filip Seymur Hoffman ilə Xoakin Feniks olub. Ən yaxşı aktrisa isə israilli Hadas Yaron seçilib. Münsiflərin xüsusi mükafatını isə avstraliyalı rejissor Ulriç Seidl “Paradise-Faith” ( Cənnət –İnam) ilə əldə edib.

Qeyd edək ki, Venesiya film festivalı avqustun 29-u sentyabrın 8-i tarixlərində keçirilib.

Jalə