Fikrət Verdiyevin anadan olmasının 65, səhnə fəaliyyətinin 45 ili tamam olur

Sentyabrın 2-də Gəncə Dövlət Filarmoniyasının, Göygöl Dövlət və Mahnı Ansamblının və ARDNŞ-in “Neftçi” Mahnı və Rəqs Ansamblının yaradıcısı, respublikanın əməkdar artisti Fikrət Verdiyevin anadan olmasının 65, səhnə fəaliyyətinin 45 ili tamam olur.

Bu barədə Lent.az-a Fikrət Verdiyevin həyat yoldaşı, Xan Şuşinski Fondunun prezidenti Bəyimxanım Verdiyeva məlumat verib.

Fikrət Verdiyev uzun müddət Azərbaycan musiqisi dünyanın 40-dan çox ölkəsində təmsil edib. O, həm də xalq artisti Zeynəb Xanlarovanın ansamblında konsertmestr işləyib. Bəyimxanım Verdiyeva bildirib ki, Gəncə İcra Hakimiyyətinin təşəbbüsü ilə Gəncədə böyük yubiley tədbiri də keçiriləcək.