Səhər hansı ayaqla qalxmaq günün uğurlu və xoş keçməsinə təsir edirmi?
Lent.az bu xalq inancı ilə bağlı maraqlı məlumatları təqdim edir:
Deyirlər ki, günün necə keçəcəyi, yuxudan oyandıqdan sonra atacağınız ilk addımdan asılıdır. “Səhər yataqdan sol ayaqla durmaq” ifadəsi hamıya tanışdır, lakin çox az adam bilir ki, onun arxasında qədim xalq inancları dayanır. Doğrudanmı, ayaq seçimi gün ərzində əhvalınıza və bəxtinizə təsir edə bilər?
Ayaqlar haqqında xalq inancları
Sağ ayaq
Səhər sağ ayaqla yataqdan qalxan adamın günü yüngül və harmonik keçəcək. Bu, uğurun, doğru seçimin və daxili balansın rəmzi sayılırdı. Belə hesab olunurdu ki, insan bu şəkildə günə “təmiz enerji ilə daxil olur”.
Sol ayaq
Sol ayaqla durmaq mübahisələrə, anlaşılmazlıqlara və xırda xoşagəlməzliklərə işarədir. Xalq arasında belə deyirdilər: “Sol ayaqla durdu bütün gün əyri-üyrü keçəcək". Sol tərəf xaos və qeyri-müəyyənliklə əlaqələndirilirdi.
Əlavə inanclar
Əgər səhər təsadüfən sol ayağınızla büdrəsəniz, gün ərzində diqqətli olmaq tövsiyə olunurdu, çünki xoşagəlməz hadisələr baş verə bilər. Bəzi bölgələrdə deyirdilər ki, evdən çıxarkən qapıdan sağ ayaqla keçmək lazımdır ki, uğur sizinlə olsun.
Əgər pis əhval-ruhiyyədə oyanmısınızsa, yataqda bir az oturub dayanmaq və qəsdən sağ ayaqla qalxmaq “günün enerjisini yenidən başlatmaq” üçün yaxşı hesab olunurdu. Əgər əvvəlcə sol ayağınıza corab və ya ayaqqabı geyinsəniz gün uzun, yorucu və əsəbi keçəcək. İlk olaraq sağ ayağı geyinmək isə işlərin asan həll olacağına, günün rahat və problemsiz keçəcəyinə işarədir.
Qədim slavyan ənənələrində sağ tərəf işığı, nizamı və qorunmanı; sol tərəf isə qaranlığı və xaosu simvolizə edirdi.
“Sol ayaqla durmaq” ifadəsi günümüzə qədər pis əhval və uğursuz günün metaforası kimi gəlib çatıb.
Bəzi ezoteriklər hətta uğuru “tənzimləmək” üçün səhər ritualarına sağ ayaqla başlamanızı tövsiyə edirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
