Sakit okeanda yoxa çıxan ilk qadın pilotun 87 il sonra QALIQLARI TAPILDI

Amerika aviasiyasının qabaqcıllarından olan Amelia Earhartın yoxa çıxması həmişə 20-ci əsrin əsas sirrlərindən biri olaraq qalıb. İndi "Deep Sea Vision" bildirir ki, pilotun 1937-ci ildə dünya ətrafında uçmağa cəhd edərkən yoxa çıxdığı təyyarənin qalıqlarını aşkar edib. Bu kəşf, təsdiqlənərsə, Amelia Erhartın yoxa çıxmasının sirri həll edə bilər.

Lent.az xarici KİV-ə istinadən xəbər verir ki, "Deep Sea Vision" 2023-cü ilin sentyabrından dekabr ayına qədər Sakit okeanda araşdırma aparıb.

Tədqiqatçılar qabaqcıl sonarla təchiz edilmiş sualtı drondan istifadə edərək Earhartın təyyarəsi ola biləcək obyektin görüntülərini əldə ediblər. Obyekt Holand adasından təxminən 160 kilometr aralıda, Sakit Okeanın mərkəzi hissəsində təxminən 5,5 kilometr dərinlikdə aşkar edilib.

Obyektin forması Earhart və onun naviqatoru "Fred Noona"nın son uçuşunu yerinə yetirdiyi "Lockheed Electra" təyyarəsinə bənzəyir. "Deep Sea Vision"un qurucusu Tony Romeo əmindir ki, onun komandası təxminən 9 onillikdir axtarılan Earhartın təyyarəsini kəşf edib.

Atlantik okeanı üzərində təkbaşına uçan ilk qadın pilot olan Erhart 1937-ci ildə dünya ətrafında uçmağa cəhd edərkən yoxa çıxıb. İllər ərzində onun yoxa çıxması ilə bağlı müxtəlif fərziyyələr irəli sürülüb, lakin indiyədək heç bir konkret dəlil və ya təyyarənin qalıqları tapılmayıb.

"Deep Sea Vision" şirkəti bu ilin sonunda əraziyə daha yaxından nəzər salmağı planlaşdırır ki, bu, həqiqətən də Erhartın təyyarəsinin qalıqları olub-olmadığını müəyyən etsin. Bu kəşf aviasiya tarixinin ən çox gözlənilən sirlərindən birini həll edə bilər.

Tony Romeonun nikbinliyinə baxmayaraq, bəzi ekspertlər bölgə ilə bağlı əvvəlki araşdırmalara işarə edərək, şübhələrini ifadə ediblər. Bununla belə, birbaşa dəlillər təqdim edilməyincə, Earhartın təyyarəsinin tapılıb-tapılmaması və onun Sakit okeanın dibinə necə düşdüyü barədə qəti nəticə çıxarmaq mümkün deyil.