Sadə bir qayda ilə ömrünüzü 13 İL UZADIN

ABŞ-lı plastik cərrah Entoni Yun uzunömürlülüyü artıra biləcək altı sadə pəhriz dəyişikliyini müəyyən edərək elmi araşdırmasının nəticələrini bölüşüb. Onun sözlərinə görə, bu dəyişikliklər həyatınızı 13 il uzada bilər.

Lent.az xarici KİV-ə istinadən həmin sadə 6 qaydanı təqdim edir:

Daha çox qoz-fındıq və toxum: Fındıq və toxum arıqlamağınıza kömək etməklə yanaşı, xolesterol səviyyənizi aşağı salır. Aralıq dənizi pəhrizini əhatə edən təcrübə, altı həftə ərzində gündə 30 qram qoz, fıstıq və şam qozunun qarışığından istifadənin xolesterol səviyyəsini əhəmiyyətli dərəcədə azaltdığını aşkar edib.

Balıq: Balıqda olan omeqa-3 yağ turşuları orqanizmin və beynin optimal fəaliyyətində mühüm rol oynayır. ABŞ-da 40 000-dən çox kişi üzərində aparılan araşdırmada müəyyən edilib ki, müntəzəm olaraq balıq yemək ürək xəstəlikləri riskini 15% azaldır.

Daha az şəkərli içkilər içmək: Xroniki olaraq şəkərli içkilər içmək çəki artımı, piylənmə, ürək xəstəlikləri və diş çürüməsi ilə əlaqələndirilir. Ona görə də belə içkilərdən uzaq durmaq tövsiyə olunur.

Qırmızı və işlənmiş ətlər: Tədqiqatlar göstərir ki, qırmızı və işlənmiş ətlərin həddindən artıq istehlakı sağlamlıq problemlərinin inkişaf riskini artıra bilər.

Paxlalılar: Lobya, noxud və mərcimək əla bitki mənşəli protein və lif mənbəyidir, az yağlıdır.

Bütün taxıllar: Qarabaşaq, yulaf əzməsi və qəhvəyi düyü kimi tam taxıllara üstünlük vermək ümumi xolesterolu və II tip diabetin inkişaf riskini azaltmağa kömək edir.

Stressin idarə edilməsi: Ağır npəhrizdən sonra ikinci ən vacib amil olan xroniki stress, ömrünüzü qısalda bilər. Müxtəlif xəstəliklərin qarşısını almaq üçün stresin effektiv idarə edilməsi vacibdir.

Alkoqol: Alkoqoldan imtina etmək və ya onu orta səviyyədə içmək sağlamlığı və uzunömürlülüyü qorumaq üçün ən yaxşı seçimdir.
Elmi araşdırmalarla dəstəklənən bu sadə pəhriz dəyişiklikləri sağlamlığınızı yaxşılaşdırmaqda və daha uzun yaşamaqda böyük fərq yarada bilər.