Soyuqdəymə və virus mövsümü qızğın mərhələdədir və bir çox insan orqanizmi təbii yollarla dəstəkləmək üçün üsullar axtarır. Sitrus meyvələri də bu variantlardan biridir.
Lent.az bu fərqləri təqdim edir:
Bu qış virus xəstəliklərinin rekord səviyyədə artdığı müşahidə olunur. Qrip, COVID-19 və norovirusun birgə yayılması bir çox insanı immun sistemini gücləndirməyin yollarını axtarmağa vadar edib.
Qida dəyəri: portağal qreypfruta qarşı
Hər iki sitrus faydalı maddələrlə zəngindir. Bununla belə, onların qida tərkibində kiçik fərqlər var. Portağallar adətən daha çox C vitamini ehtiva edir: bir orta ölçülü portağal gündəlik normanızın təxminən 70 faizini təmin edir, qreypfrut isə bir qədər az təklif edir – amma yenə də əla mənbə sayılır.
Meyvələrin ölçü fərqini də nəzərə almaq lazımdır: portağalın bir porsiyası bütöv meyvədir, qreypfrutun porsiyası isə onun yarısı hesab olunur. Ancaq əgər siz bütöv qreypfrut yesəniz, göstəricilər demək olar ki, bərabər olacaq. Hər iki meyvə lif, kalium və vacib antioksidantlarla zəngindir, lakin yalnız qreypfrutun tərkibində A vitamini var. Budur statistika:
Portağal (Navel sortu), bir porsiya (140 q):
72 kalori
15 qram karbohidrat
12 qram şəkər
2,8 qram lif
83 milliqram C vitamini
60 milliqram kalsium
15 milliqram maqnezium
35 mkq folat
Qreypfrut, bir porsiya (meyvənin yarısı, təxminən 120 q):
37 kalori
9 qram karbohidrat
8 qram şəkər
1,35 qram lif
45,5 milliqram C vitamini
18,4 milliqram kalsium
9,84 milliqram maqnezium
89 mkq A vitamini
11,1 mkq folat
İmmunitet üçün hansı daha yaxşıdır?
İmmunitet mövzusunda sitruslarda “əsas qəhrəman” C vitaminidir. C vitamini adi soyuqdəymənin ağırlığını 15% azalda bilər. Lakin sağlamlığın qorunmasında digər vitamin və minerallar da mühüm rol oynayır. Qış aylarında immuniteti dəstəkləmək üçün A, B, C, D və E vitaminləri ilə yanaşı sink, selen və dəmir kimi minerallarla zəngin qidalar qəbul etmək vacibdir.
Həm portağal, həm də qreypfrut C və B vitaminlərinin yaxşı mənbəyidir və bu maddələr orqanizmə infeksiyalarla mübarizədə kömək edir. Hər iki sitrus həmçinin folatın yaxşı mənbəyidir. Folat immunitet üçün kritik əhəmiyyət daşıyır, çünki hüceyrələrin bərpasına və immun funksiyasına dəstək verir. Əgər siz kifayət qədər folat qəbul etmirsinizsə, immun hüceyrələriniz infeksiyalarla mübarizə aparmaq üçün yetərincə güclü olmur.
Mənfi tərəflər: vacib xəbərdarlıqlar
Qreypfrut nə qədər dadlı və faydalı olsa da, bəzi insanlar onun istifadəsindən çəkinməlidir. Qreypfrut şirəsi bəzi dərmanların metabolizmasında iştirak edən fermenti bloklaya bilər. Nəticədə dərman qana daha çox miqdarda düşə və daha ciddi yan təsirlərə səbəb ola bilər.
Qreypfrutun təsir göstərə biləcəyi dərmanların siyahısına daxildir:
statinlər
yüksək qan təzyiqinin müalicəsi üçün dərmanlar
narahatlıq əleyhinə preparatlar
Kron xəstəliyi və ya xoralı kolit üçün kortikosteroidlər
aritmiya müalicəsi üçün dərmanlar
Nadir hallarda məsələn, Allegra adlı antihistamin preparatı ilə qreypfrut və digər şirələr əks təsir göstərə bilər: dərmanın qana düşmə miqdarını azaldaraq onu daha az effektiv edə bilər. Əgər siz hər hansı dərman qəbul edirsinizsə, qreypfrutdan uzaq durmağın lazım olub-olmadığını öyrənmək üçün həkim və ya əczaçı ilə məsləhətləşin.
Bəs şirələr necə? Portağal şirəsi qreypfrut şirəsinə qarşı
Səhər yeməyində bir stəkan şirə içmək C vitamini qəbul etməyin asan yoludur. 240 ml (bir stəkan) 100 faiz təmiz portağal şirəsində 75 mq C vitamini var, 100 faiz qreypfrut şirəsinin bir stəkanında isə 94 mq C vitamini olur. Hər iki variant gündəlik tələbatı qarşılayır. Bu zaman ümumi sağlamlığı gücləndirən digər qida maddələrini itirmiş olursunuz: “C vitaminini bütöv meyvə yeyərək almaq həmişə daha faydalıdır. Meyvə liflə birlikdə sinerji yaradır, bu da şəkərin qana keçməsini yavaşıdır və həzmi dəstəkləyir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
