Qış aylarında toyuqların yumurtlama səviyyəsi xeyli azalır. Mütəxəssislər bildirirlər ki, yaz aylarında düzgün qidalanma və uyğun şərait yaradılarsa, toyuqların yumurtlama qabiliyyətini əhəmiyyətli dərəcədə artırmaq mümkündür.
Lent.az xarici mediaya istinadən xəbər verir ki, ən vacib amil keyfiyyətli və balanslı yemdir. Toyuqların yemində təxminən 17 faiz protein olmalıdır. Bundan əlavə, kalsium və fosfor kimi minerallar da yumurtanın formalaşması üçün vacibdir. Əsas qida kimi taxıl qarışığı istifadə olunur.
Toyuqlara az miqdarda tərəvəz də vermək olar, lakin onların payı ümumi yeminin 10 faizindən çox olmamalıdır. Toyuqların yaxşı yumurtlaması üçün işıqlandırma da mühüm rol oynayır. Gündə təxminən 14 saat işıq olmalıdır. Buna görə də erkən yaz aylarında quşxanada əlavə işıqlandırma istifadə etmək tövsiyə olunur.
Bundan başqa, quşxanada temperaturun +15+17°C civarında olması və toyuqların kifayət qədər təmiz su içməsi də vacib şərtlərdən biridir. Toyuqlar adətən yedikləri yemə nisbətən təxminən iki dəfə çox su qəbul edirlər.
Ekspertlər xəbərdarlıq edirlər ki, toyuqlara kiflənmiş yem, köhnə qarğıdalı və ya kifli çörək vermək olmaz. Bu cür qidalar zəhərli maddələr ehtiva edə bilər və həm yumurtlamanın azalmasına, həm də quşların xəstələnməsinə səbəb ola bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
