Rusiyanın Birinci kanalındakı axşam şousunun aparıcısı İvan Urqant, Vladimir Leninin məqbərəsinin aprelin 17-dən ziyarətçilərə açılacağı xəbərinə kinayəli şəkildə münasibət bildirib.
Lent.az-ın Rusiya mediasına istinadla verdiyi xəbərə görə, komediyaçı zarafatla orada yatan sovet rəhbərinin koronavirus virusuna yoluxdurulmasını təklif edib.
Urgant və digər aparıcıs Dmitri Xrustalev məqbərəni ziyarət edənlərin sosial məsafəni qorumalı və fərdi qoruyucu vasitələr taxmalı olduqlarına təəccübləniblər.
“Məncə, bunlar lazımsız tədbirdir. Əksinə, insanları məqbərəyə maskasız buraxmaq lazımdır... koronavirus, nəhayət Leninin yanına gəlsin. Koronavirusun əsas məqsədi budur - Çindən Leninin yanına getmək”, - şoumen zarafat edib.
O, Leninin cəsədinə girdikdən sonra koronavirusun ona çinli inqilabçı, siyasətçi Mao Tsedunqdan "böyük salamlar" göndərəcəyini əlavə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
