Kişilər arvadını ona təklif edirdilər - Təcavüzdə ittiham olunan dindarlar

İllərdir tez-tez din adamlarının cinsi istismar xəbərlərini oxuyuruq və bundan təsirlənirik. Baş verənlər sözün əsl mənasında insanın qanını dondurur. Həmin insanların istifadə etdikləri üsullar da ayrı bir təəccüb doğurur. Belə hadisələr demək olar ki, dünyanın hər yerində baş verir. İstər müsəlman, istərsə də xristian ölkələrində...

Lent.az din adamlarının etdiyi cinsi istismar hadisələrinin bir neçəsini təqdim edir:

Bir neçə il əvvəl Türkiyənin Bursa bölgəsində U.K adlı bir molla yanına gələnlərə cənnət vəd edərək onlarla cinsi əlaqəyə girirdi. Hətta onun yanına gələn kişilər öz həyat yoldaşlarını da U.K.-ya təklif edirdilər. 2011-ci ildə Bursa Polis İdarəsinə daxil olan şikayət əsasında həmin şəxs 188 il həbs cəzasına məhkum edilib.

İstanbulun Esenler şəhərində bir kişi ərləri ilə barışmaq istəyən qadınları soyunduraraq bədənlərinə ərəbcə yazılar yazırdı. Bunu Allah üçün etdiyini deyən müəllim qadınları soyundurmazdan əvvəl imam nikahı da qıyırdı.

Bir neçə il əvvəl Amerikanın Pensilvaniya ştatında keşişlərlə bağlı uşaq zorakılığı qalmaqalı ölkədə gündəm mövzusuna çevrilmişdi. Belə ki, 2018-ci ildə 300 keşişin onilliklər ərzində 1000-dən çox azyaşlını cinsi istismara məruz qoyduğu aşkarlanıb.
Katolik kilsəsi hər nə qədər bu cinayətləri ört-basdır etmək istəsə də, 70 ildən sonra hadisələrin üstü açılıb.

2016-cı ildə Lion kilsəsinin 71 yaşlı arxiyepiskopu Bernard Preynatın 1980-1991-ci illər arasında 45 uşağa cinsi təcavüz etməsi Fransada böyük qalmaqala səbəb olmuşdu.
Hadisədən xəbəri olan, lakin məhkəmə orqanlarına məlumat verməyən onlarla insan həbs olunub.

Belə hallar təəssüf ki, ölkəmizdə də yaşanır. Belə ki, bu yaxınlarda N. İsazadə adlı bir şəxs tələbəsi olduğu axundla cinsi əlaqəyə girib və bunu İ. Ağayevlə kamera vasitəsilə qeydə alıb. Daha sonra həmin görüntüləri yaymaqla axundu hədələyərək ondan 75 min manat pul tələb edib.