Kibrit çöpündən Eyfel qülləsini yaratmağa 8 il sərf etdi, REKORDLARA DÜŞMƏDİ -  VİDEO
21 fevral 2024 13:15 (UTC +04:00)

Kibrit çöpündən Eyfel qülləsini yaratmağa 8 il sərf etdi, REKORDLARA DÜŞMƏDİ - VİDEO

Fransız Riçard Plaud 706 900 kibrit çöpü ilə Eyfel qülləsinin  23,6 fut hündürlüyündə (təxminən 7 metr) modelini yığmaq üçün səkkiz il sərf edib və əvvəlki rekordunu 2 fut (60 santimetr) qabaqlayıb. 

Lent.az xarici KİV-ə istinadən xəbər verir ki, amma həmin şəxsin əməyi bir səhvə görə Ginnesin Rekordlar Kitabına düşməyib.

Plaudun sözlərinə görə, Ginnesin Rekordlar Kitabı bu yaxınlarda ona bir problem barədə məlumat verib: istifadə etdiyi kibritlər bazarda ictimaiyyətə açıq olmadığı üçün tələblərə cavab vermir.

"Hakimlər mənim qülləmi reallıqda görmədən qərar verdilər", - Plaud öz "Facebook" səhifəsində məyus olduğunu bildirib.

O, qeyd edib ki, Ginnesin Rekordlar Kitabının qaydalarına görə, kibritlər hər kəs üçün əlçatan olmalı və tanınmayacaq dərəcədə dəyişdirilməməlidir:

"Kibritlərin pərakəndə satışı olmadığına və tanınmayacaq dərəcədə dəyişdirilməsinə görə diskvalifikasiya olundum. Bu, böyük məyusluq və çaşqınlıqdır. Bir-birinin içərisinə yerləşdirilmiş 706 900 kibrit necə sığmır? Və onları çox dəyişdirilmiş hesab edirlər? Aydındır ki, İngilislər həqiqətən fərqlidirlər”.

Mağazada kibrit almaq və onlardan kükürd başlıqlarını çıxarmaq yorğunluğuna görə, Plaud artıq təmizlənmiş kibritləri almaq üçün istehsalçı ilə razılaşıb.

# 2367
avatar

Fidan İlqar

Oxşar yazılar