Bəzi insanlar niyə qəhvəni sevmirlər? – Səbəbi açıqlandı

Qəhvə hər zaman insanlar arasında çox içilən və sevilən içki olub. Ancaq bəzi insanlar bu içkini içə bilmirlər, hətta qəti şəkildə sevmirlər.

Lent.az xəbər verir ki, qəhvənin dadını bəyənib-bəyənmədiyimizə və hətta onun infarkt yaxud hipertoniya riskimizə necə təsir etdiyinə əsasən genlər təsir edir. Xüsusilə, bədənin kofeinə həssaslığına çox təsir edən CYP1A2 genindən söhbət gedir. Burada fermenti idarə edən CYP1A2 də iştirak edir və o, kofeinin parçalanmasına, bədəndən çıxarılmasına cavabdehdir.

Toronto Universitetinin qidalanma professoru Əhməd El-Sohemi, insanların təxminən yarısında CYP1A2-nin sürətli variantının iki növünün olduğunu və buna görə də kofeinin ən sürətli metabolizatorları olduğunu deyib. Digər 40% yalnız bir varianta malikdir və "yavaş" metabolizatorlar, variantı olmayan qalan 10% isə "super-yavaş" metabolizatorlardır. Bu qrup insanların hər birinin bədəndən kofeini çıxarmaq üçün fərqli vaxtı var - iki saatdan səkkiz saata qədər.

"Əgər kofeini daha sürətli metabolizə etməyə imkan verən genetikanız varsa, daha çox qəhvə içmək istəyəcəksiniz",- deyə professor bildirib.

Həmçinin sübut olunub ki, kofeinə yüksək həssaslıqla bağlı genetik variantları olan insanlar tünd qəhvənin acı dadından daha az zövq alırlar. Diqqət çatışmazlığı, hiperaktivlik pozğunluğu (DEHB) olan insanlar kofeinə fərqli reaksiya verə bilər. Kofein beyində dopamin istehsalını artıra bilən bir stimullaşdırıcı olduğundan, onu qəbul etmək DEHB olan bir insana onun çatışmazlığını doldurmağa kömək edə bilər.

Lakin kofein DEHB dərmanlarını qəbul edənlərdə həddindən artıq stimullaşdırmaya da səbəb olma ehtimalı var. Bu dərmanlar beyində dopamin və norepinefrin səviyyələrini artıraraq işləyir, buna görə də kofein əlavə etmək yan təsirlərə səbəb ola bilər.