Tanınmış müğənnidən “Yalanın adı”

Bu gün müğənni Elçin Hüseynov ifa etdiyi “Yalanın adı” adlı mahnısına çəkilmiş klipin təqdimatı olub. Lent.az-ın məlumatına görə, sözləri Azər Şirinə, musiqisi Elçin Cəfərova məxsus olan bəstəni tele-aparıcı Tural Ozan ekranlaşdırıb.

Təqdimata mərasimində qonaqları salamlayan E.Hüseynov daha sonra “Yanının adı” adlı klipini dostlarına və jurnalistlərə təqdim edib. Ekran işi nümayiş olunduqdan sonra söz alan sənət adamları klipi bəyəndiklərini deyiblər.

Elçin özü isə yeni klipi barəsində Lent.az-a bunları söyləyib: “Bu günə qədər bir çox mahnılarımı, o cümlədən kliplərimi pərəstişkarlarımla bölüşmüşəm. Açığı, bu sayca neçənci klipimdi deyə bilmərəm. Amma rejissorluğunu aparıcı, dostum Tural Ozan çox gözəl edib. Düşünürəm ki, tamaşaçılar tərəfindən də bəyəniləcək”.

Qeyd edək ki, E.Hüseynovun klip təqdimatına əməkdar artist Abbas Bağırov, müğənnilərdən Roza Zərgərli, Yaşar Yusub, Xatirə İslam, Niyam Səlami, Afaq Aslan, Kərim Abbasov, Zarina Məmmədova, Sevinc Ağaşirinova, rəqqasələrdən Fatimə Fətəliyeva, Oksana Rəsulova, prodüser Təranə Səmədova və başqaları da gəliblər.

“Yalanın adı” adlı klipi təqdim edirik.