Nadir Qafarzadə: “Partlayışa hazır olun”

Qalmaqallı açıqlamaları və şou-biznesdə etdiyi layihələri ilə daim gündəmdə olan müğənni Nadir Qafarzadədən xəbər var. Lent.az-ın məlumatına görə, N.Qafarzadə növbəti dəfə xalq artisti Zeynəb Xanlarovanın repertuarına müraciət edib. O, dünya şöhrətli sənətkarın ifasında səslənən “Xalidə” adlı mahnını lentə aldırıb: “Bu bəstəni Azərbaycanın dahi sənətkarı, dünya şöhrətli müğənnisi Zeynəb Xanlarova ifa edib. Elə o vaxtlardan bu mahnı mənim ürəyimdə öz yerini tapıb. Əksər hallarda bu mahnını zümzümə edirdim. Ona görə də qərara aldım ki, onu repertuarıma daxil edim. Bundan əlavə bir neçə mahnı da ifa etmişəm. Lakin hələ onu açıqlamaq istəmirəm. Amma bircə onu deyim ki, səs-küyə səbəb olacaq. Öncədən xəbərdarlıq edirəm. Partlayışa hazır olun”.