Əməkdar artist ailəsinin dağılmasının səbəbini açıqladı - XƏYANƏT

Əməkdar artist Mehriban Xanlarova ailəsinin dağılmasından danışıb. Lent.az-ın məlumatına görə, ANS-in “Xəbərsizsiniz” verilişinə qonaq olan aktrisa ailəsinin xəyanət üstündə dağıldığını deyib: “Hərdən biz sənətkarlara dırnaqarası baxırlar. Deyirlər ki, sənətçi ailə sahibi ola bilməz. Niyə axı? Məsələn, mənim çox gözəl ailəm olub. Amma kişinin səhvinin ucbatından ailəm dağıldı. Həyat yoldaşım mənə xəyanət etdi, boşandıq. Düzdür, insanıq, səhvləri bağışlamalıyıq. Mən də dəfələrlə onu bağışladım. Amma nə vaxta qədər bağışlamalı idim? Bu hal dəfələrlə təkrarlanmışdı. Mənim kimi yoldaşına qadınlıq edən ikinci bir adam bəlkə də olmazdı. Kişinin qanında problem, xəyanət varsa, istəyirsən onu başdan ayağa kimi geyindir, işə yola sal, o, istədiyini bayırda edəcək. Mən 4 il həyat yoldaşıma görə bütün kitabları bağladım. Uşaq yaşlarından şalvar, qısa ətək geyinən Mehriban Xanlarova ailəsinə görə örtülü geyindi. Amma sonda nə oldu? Bu da kişi”.