Elza Seyidcahanın oğlunun toyunda nələr yaşandı?

Əməkdar artist Elza Seyidcahanın evində “Vağzalı” havası səslənib.

Lent.az xəbər məlumatına görə, aprelin 21-də E.Seyidcahanın oğlu Ələkbər sevib-seçdiyi Xəyalə adlı xanımla nikah masasına oturub. Paytaxt məkanlarının birində keçirilən toya bir çox tanınmış simaları gəlib. Ziyafətə gələn qonaqları salamlayan E.Seyidcahan daha sonra sözü müğənni Elton Hüseynəliyevə verib. Eltonda öz növbəsində bəy və gəlini təbrik edərək, “Subaylığın son gecəsi” mahnısı ilə səbəbkarları rəqsə çağırıb. Bəy və gəlinin rəqsinə isə şou-biznesin tanınmış simaları da qoşulub.

Məclisin ilk yarısında toya gələn qonaqları qarşılamaqla məşğul olan E.Seyidcahan gecənin ilk təəssüratlarını Lent.az-la bölüşür: “Allah hər bir kəsin balasını xoşbəxt etsin. O cümlədən mənim balalarımı. Bu gün oğlum sevib-seçdiyi xanımla ailə qurur. Mən bir ana kimi çox sevinirəm. Allahıma çox şükür edirəm ki, oğlumun xoş gününü görməyi mənə qismət edib.

Bu gün toya bir çox insanları dəvət etmişəm. Onlar arasında qohumlar, illərdir bizimlə ailəvi dostlar-tanışlar, şou-biznesin tanınmış simaları, o cümlədən cəmiyyətin müxtəlif sahələrində sözlərini demiş sənət insanları var idi. Gələn hər bir kəsə dərin minnətdarlığımı bildirirəm”.

Xatırladaq ki, E.Seyidcahanın oğlu Əkbərin toyuna xalq artistlərindən Amaliya Pənahova, Məleykə Əsədova, Brilliant Dadaşova, əməkdar artistlərdən Gülyanaq Məmmədova, Mətanət İsgəndərli, Zöhrə Abdullayeva, Teymur Əmrah, müğənnilərdən Nadir Qafarzadə, Manaf Ağayev, Nicat Cəfərzadə, Roza Zərgərli, Günay İbrahimli, Elnur Məmmədov, Zamiq Hüseynov, Vasif Məhərrəmli, Xatirə İslam, Rəqqasə Fatimə (Fətəliyeva), Aşıq Samirə, millət vəkili Qənirə Paşayeva, prodüserlər Aysel Məhəmməd, Elçin Quliyev və başqaları gecəyə qatılan qonaqlar arasında idi.

Onu da əlavə edək ki, E.Seyidcahan toyun media qapalı olduğunu söyləmişdi. Ancaq o, ziyafətə bir neçə saat qalmış bu fikrindən imtina edərək, mediaya çəkiliş üçün izn verib.