“Eurovision-2011” yarışmasının qalibi Eldar Qasımov ifa etdiyi “”Onu sən de” adlı mahnısına çəkilmiş klipinə təqdimat keçirib. Lent.az-a açıqlama verən müğənni yaradıcılığındakı yenilik barədə danışıb: “Həyat davam edir. Hər şey dəyişir və insanlar gəlir və gedir. Mənim ətrafımda isə yalnız mənə sadiq dostlar olur. Bəzən mənə sual verirlər ki, nəyə çox heyfsilənirsən? Mən də deyirəm ki, dostlarıma az zaman ayırdığıma görə. Son dövrlər isə anladım ki, dostlarım haqqında, onların necə yaşadıqları barədə ətraflı məlumatım yoxdur. Beləcədə “Onu sən de” mahnısının ideyası yarandı. Bu bəstədə mənə yaxın olan insanlara aid etmişəm. Bu layihədə böyük komanda çalışıb. Bütün işləri isə mənim dostlarım edib. Mahnının sözlərini mənimlə birgə Sheyh Ree, musiqisini Sərxan “M-Zari”, Orxan Bağırov yazıb. Klip isə Danimarkanın paytaxtı Kopenhagendə çəkilib. Dostlarımla birgə yaxşı bir klip çəkdiyimə, gözəl bir layihəyə imza atdığıma inanıram”.
Qeyd edək ki, “Onu sən de” adlı klipin rejissoru Ranar Musayev, operatoru Georgiy Derqaçov, Georgi Rıba, montajçısı Georgiy Derqaçov, Qeorgiy Rıba və Mariya Derqaçovadır.
E.Qasımovun klip təqdimatından olan şəkilləri təqdim edirik.
Fotolar müəllifindir