Bu gün Heydər Əliyev sarayında Rusiyanın tanınmış müğənnisi Valeryanın konserti olub. Lent.az-ın məlumatına görə, məşhur ifaçı gecədəki ifalarına Üzeyir Hacıbəyli adına Simfonik Orkestrı müşayiəti ilə başlayıb.
İlk ifasını oxuyandan sonra müğənni tamaşaçılarla salamlaşaraq, Azərbaycan tamaşaçısı qarşında çıxış etməkdən qürur duyduğunu söyləyib: “Öncə bu gün mənim konsertimə gələn hər bir kəsə çox sağolumu bildirirəm.
Azərbaycanda olduğuma görə çox şadam. Bu gün mənim həm konsertim, həm də doğum günümdür. Bu mənim üçün iki qat bir bayramdır. Bu gün mənim həyatımda yadda qalan bir gün kimi tarixə yazılacaq. Həm də ən yaxşı ad günüm kimi də tarixə düşəcək”
Bu çıxışından sonra müğənni yenidən ifaya başlayıb. Canlı ifası ilə ən sevilən mahnılarını bir-birinin ardınca oxuyub.
O, illər ərzində sevənlərinin yaddaşlarda həkk olan mahnılarını ifa etməklə yanaşı yeni bəstələrə də müraciət edib. Hər ifası tamaşaçıların alqışları ilə qarşılanan gecədə ən yadda qalan məqamlardan biri isə müğənnin 14 yaşlı oğlu Arseninin səhnəyə çıxaraq, pianoda ifa etməsi olub.
Beynəlxalq müsabiqələrin mükafatçısı olan Arsenin çıxışı da alqışlarla qarşılanıb. Fasilələrlə mahnılarını tamaşaçılara təqdim edən Valerya gecədə 3 dəfə geyimini dəyişib.
Tanınmış müğənni sonda tamaşaçıların alqışları ilə ifasını başa vurdu.
Valeriyanın konsertindən olan şəkilləri təqdim edirik
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
