Azərbaycanlı müğənni Qobustan çöllərində

Bu gün müğənni Yaşar Yusub ifa etdiyi "Sən deyilsən" adlı mahnısına çəkilmiş klipinin təqdimatını keçirib. Lent.az-ın məlumatına görə, müğənni ekran işinin təqdimatına media nümayəndələri ilə yanaşı, bir çox şou nümayəndələrini dəvətli idi. Tədbirdə qonaqları salamlayan Yaşar yeni işinin hazırlıq proseslərindən danışdı: “İlk öncə tədbirimə gələn hər bir kəsə təşəkkürümü bildirirəm. Bu klipi bir müddət olar ki, hazırlasaq da, təqdimat keçirmək niyyətində deyildim. Lakin bu tədbirin aparıcısı, dostum Şahin Cavadsoy təklif etdi ki, təqdimat keçirim. Mən də düşündüm, razılıq verdim. Klip barədə onu deyə bilərəm ki, bu kran işində böyük heyət çalışıb. Klipi isə müğənni Leyla Ramazanlının bacısı Xavər çəkib. Klipin bir hissəsi Qobustanda lentə alınıb. Düşünürəm ki, yaxşı bir klip ərsəyə gəlib”.

Xatırladaq ki, “Sən deyilsən” adlı bəstənin söz və musiqi Tural Bayraməiliyevə məxsusdur.

Qeyd edək ki, Yaşarın təqdimatına müğənnilərdən Leyla Ramazanlı, Emil Bədəlov, Vüsal Hacıyev, Ayaz Qasımov, prodüser Təranə Səmədova, teleaparıcı Arzu Umut, Əhəd Miri və başqaları dəvətli idi.

Təqdimatdan olan fotoları və “Sən deyilsən” adlı klipi təqdim edirik

http://www.youtube.com/watch?v=XYqtNC9FEwQ