Türkiyəli müğənni Mustafa Ceceli xalq artisti Aygün Kazımova və müğənni Röya Ayxanla olan işbirliyindən danışıb. Lent.az-ın məlumatına görə, yeni albom çıxarmağa hazırlaşan türkiyəli məşhur “10-lar” verilişində bildirib ki, Aygün və Röya ilə yeni layihə üzərində çalışır:
“Yeni albomumun işlərini tamamlayıb, Aygün və Röya ilə işbirliyinə başlayıram. Aygünü və Röyanı çox sevirəm. Hörmətim var. Aygün xanım Azərbaycanda ən çox dəyər verdiyim ifaçıdır, o, əsl “diva”dır. Ötən gün mesajlaşdıq. Deyir ki, “Mustafa, tez ol, gecikirik”. Söz verdim ki, yaxın günlərdə işə davam edəcəyik”.